وفاقی وزیر داخلہ شیخ رشید نے دعویٰ کیا ہےکہ پشاور خودکش دھماکے میں ملوث ملزمان کی شناخت ہو چکی ہے۔
تفصیلات کے مطابق شیخ رشید نے اپنے بیان میں کہا کہ خیبر پختونخوا پولیس معاملے کی تہہ تک پہنچ چکی ہے ، ایک دو روز میں پولیس ملزمان تک پہنچ جائے گی۔
سیاسی صورتحال پر بات کرتے ہوئے انہوں نے کہا کہ عدم اعتماد کی تحریک اورریکوزیشن علیحدہ چیزیں ہیں، عدم اعتماد سے متعلق اجلاس بلانے کی ریکوزیشن ابھی تک موصول نہیں ہوئی، ریکوزیشن موصول ہونے کے 14 دن کے اندر اسپیکر اجلاس طلب کرتاہے، اپوزیشن کو پہلے بھی شکست ہوئی تھی، اب بھی ہوگی۔
اسلام آباد :5 مارچ 2022
وفاقی وزیر داخلہ شیخ رشید احمد کا ملکی و سیاسی صورتحال پر ویڈیو پیغام جاری@ImranKhanPTI @PakPMO
( ایڈمن پوسٹ) pic.twitter.com/miaqQlDMex— Sheikh Rashid Ahmed (@ShkhRasheed) March 5, 2022
واضح رہے کہ مسجد کوچہ رسالدار میں خودکش حملہ تقریباً ایک بجکر 55 منٹ پر ہوا جس میں حملہ آور نے پہلے فائرنگ کی اور پھر مسجد کے اندر جاکر خود کو دھماکے سے اڑالیا،دھماکے میں اب تک 62 افراد کے جاں بحق ہونے کی تصدیق ہوچکی ہے جب کہ200سے زائد زخمی ہیں۔
