وزیراعظم عمران خان کے سابق معاون خصوصی ندیم افضل چن کی پیپلز پارٹی میں شمولیت پر ان کے بھائی کا موقف سامنے آیا ہے۔
ٹوئٹر پر اپنے ویڈیو پیغام میں ندی افضل چن کے چھوٹے بھائی اور پی ٹی آئی کے رکن صوبائی اسمبلی وسیم چن کا کہنا تھا کہ ان کے بڑے بھائی ندیم افضل چن کا پی ٹی آئی کو چھوڑنے کا فیصلہ ان کا ذاتی ہے، جس میں انہیں بھائیوں اور والد صاحب کی تائید حاصل نہیں ہے۔
وسیم چن کا کہنا تھا کہ ان کے بھائی نے سمجھا کہ شاید وہ پیپلز پارٹی کیساتھ بہتر طور پر چل سکتے ہیں، انہوں نے کہا کہ بھائی نے ہم سے سیاسی راہیں جدا کر لی ہیں، ہم ان کے فیصلے میں بالکل بھی ان کے ساتھ نہیں ہیں۔
وسیم افضل چن کا کہنا تھا کہ ہمارے پاس پی ٹی آئی کا مینڈیٹ ہے اور اس کی پاسداری کریں گے۔ انہوں نے کہا کہ ہم تحریک انصاف کے ساتھ ہیں اور ہمیں عمران خان پر مکمل اعتماد ہے۔
ندیم افضل چن کے پیپلز پارٹی میں جانے کے بعد انکے چھوٹے بھائی وسیم چن کاموقف جو پیپلز پارٹی کے 2008 تا 13 دور حکومت میں ملکوال سے ایم پی اے رہ چکے ہیں…..@SHABAZGIL @fawadchaudhry @UsmanAKBuzdar pic.twitter.com/25vGXpTlO3
— Sikandar Gondal (@sikandarhayat3) March 6, 2022
یاد رہے کہ آج ندیم افضل چن نے پیپلز پارٹی کے چیئرمین بلاول بھٹو کے ہمراہ پریس کانفرنس کرتے ہوئے باضابطہ طور پر پیپلز پارٹی میں شمولیت کا اعلان کر دیا ہے۔ ان کا کہنا تھا کہ کچھ مجبوریوں کی وجہ سے میں نے تحریک انصاف میں شامل ہونے کا غلط فیصلہ کیا تھا، لیکن آج اپنے گھر میں واپس آنے پر خوش ہوں۔
