اپوزیشن اور ترین گروپ کی وزیراعلیٰ پنجاب پر حملے کی تیاری،  عثمان بزدار بھی میدان میں آگئے۔

تفصیلات کے مطابق وزیراعلیٰ پنجاب سردار عثمان بزدار نے اپنے ایک بیان میں کہا کہ ملک کی ترقی کا سفر روکنے کیلئے اپوزیشن سیاسی عدم استحکام پیدا کرنے کی کوشش کر رہی ہے۔

وزیراعلیٰ پنجاب نے کہا کہ جب ملک معاشی طو رپر مضبوط ہو رہا ہے تو اس وقت افراتفری کی سیاست کرنا قومی مفادات کے منافی ہے,ہمارے لئے پاکستان کا مفاد سب سے پہلے مقدم ہے، ہر محب وطن پر لازم ہے کہ وہ ذاتی انا کے خول سے نکل کر وسیع تر ملکی مفادات کے بارے سوچے۔

انہوں نے کہا کہ وزیراعظم عمران خان نے ہرموقع پر قومی مفادات کو ترجیح دی ہے جبکہ اپوزیشن کی سیاست صرف ذاتی مفادات کے گرد گھومتی ہے,وزیراعظم عمران خان کی قیادت میں متحد ہیں اور ہر غیر جمہوری ہتھکنڈے کا مقابلہ کریں گے۔

وزیراعلیٰ پنجاب سردارعثمان بزدار کا مزید کہنا تھا کہ حکومت مدت پوری کرے گی جبکہ عدم اعتماد کا شوشہ بھی جلد دم توڑ جائے گا۔