ممبئی ہائی کورٹ میں 20 اکتوبر کو دائر کی جانے والی درخواست پر آج تیسری سماعت کے بعد عدالت نے آریان خان کی ضمانت کی درخواست منظور کر لی۔
آج کی سماعت میں نارکوٹکس کنٹرول بیورو کے وکلا نے آریان خان کو ضمانت پر رہا کرنے کی شدید مخالفت کی اور موقف اپنایا کہ آریان کو منشیات کا استعمال کرنے کے بعد بےہوشی کی حالت میں گرفتار کیا گیا۔
جس پر آریان خان کے وکلا نے عدالت کو بتایا کہ آریان کو کروز میں داخل ہونے سے پہلےہی گیٹ پر گرفتار کیا گیا تھا اور ان سے منشیات بھی برآمد نہیں ہوئیں، اور نہ ہی انہوں نے کبھی منشیات استعمال کرنے کا اعتراف کیا ہے۔
این بی سی کے وکلا نے کہا کہ آریان کے موبائل فون کی چیٹنگ سے ظاہر ہوتا ہے کہ وہ منشیات نہ صرف استعمال کرتے ہیں بلکہ اس کے عادی بھی ہیں۔
عدالت نے فریقین کے دلائل سننے کے بعد آریان خان، منمن دھمیچا اور ارباز مرچنٹ کی ضمانتوں کی درخواستیں منظور کر لیں۔ کیس کا تفصیلی فیصلہ کل جاری کیا جائے گا جبکہ ملزمان کی رہائی 29 یا 30 اکتوبر کو متوقع ہے۔
Bombay HC has granted bail to Aryan Khan, Arbaz Merchant, Munmun Dhamecha after hearing the arguments for 3 days. The detailed order will be given tomorrow. Hopefully, all they will come out of the jail by tomorrow or Saturday: Former AG Mukul Rohatgi, who represented Aryan Khan pic.twitter.com/jQGKYIBxrn
— ANI (@ANI) October 28, 2021
یاد رہے کہ میٹروپولیٹن عدالت نے 7 اکتوبر اور سیشن عدالت نے 20 اکتوبر کو آریان خان کی ضمانت کی درخواست مسترد کی تھی، 21 اکتوبر کو عدالتی ریمانڈ ختم ہونے کے بعد اس میں 9 روز کی توسیع کی گئی تھی اور انہیں 30 اکتوبر تک جیل میں رکھنے کے احکامات جاری کئے گئے تھے۔
