عمران خان نے آئیڈیل باتیں کر کے نو جوانوں کو دھو کہ دیا ہے،ان کی  تما م باتیں نمائشی ہیں۔

فضل الرحمان کا کہنا تھاکہ ہم جمہوریت کے ساتھ کھڑے ہیں، پاکستان کو مستحکم کرنا چاہتےہیں، اپنے ملک میں کسی سے دشمنی نہیں ہوا کرتی، ملک کو آگے لے کر جانا ہے، ہم نے جو حقیقیت بتائی تھی وہ سچ ثابت ہوئی ہے، ہم کامیابی پر یقین رکھتے ہیں، تحریک عدم اعتماد کامیاب ہوگی اور قوم خوشخبری سنے گی، ہم نے ملک کو آگے لے کر جانا ہے ،اس لیے ہم سب ساتھ ہے ،ہمیں  پورا اعتماد ہے  ہمیں کامیابی ہو گی۔

اس سے قبل مسلم لیگ (ن) کی پارلیمانی پارٹی کا اجلاس ہوا جس میں لیگی قیادت  نے تمام ارکان کو ابتدائی طور پر اگلے 20 دن تک اسلام آباد میں قیام کی ہدایت   کی ہے۔

ذرائع کا کہنا ہے کہ لیگی قیادت  نے اپنے ارکان کو بتایا کہ اگلے 3 ہفتے انتہائی اہم ہیں لہٰذا اسلام آباد سے غیرحاضری کسی صورت برداشت نہیں کی جائے گی۔