روشن ڈیجیٹل اکاؤنٹس کے ذریعے سمندر پار پاکستانیوں کی ترسیلات زر کے حجم میں زبردست اضافہ ریکارڈ کیا گیا ہے۔
اسلام آباد – (اے پی پی): سمندرپارپاکستانیوں کوریلیف فراہم کرنے کیلئے سٹیٹ بینک کی جانب سے شروع کردہ روشن ڈیجیٹل اکاؤنٹس کے ذریعہ سمندرپارپاکستانیوں کی ترسیلات زرکاحجم 3.6 ارب ڈالرسے تجاوزکرگیا ہے۔ سٹیٹ بینک کی جانب سے اس حوالہ سے جاری کردہ اعدادوشمارکے مطابق ستمبر 2020ء سے فروری 2022ء تک کی مدت میں سمندرپارپاکستانیوں نے روشن ڈیجیٹل اکاؤنٹس کے ذریعے 3.632 ارب ڈالرکازرمبادلہ ملک ارسال کیاہے جبکہ اب تک روشن ڈیجیٹل اکاؤنٹس کے کھاتہ داروں کی تعداد365182 ہوچکی ہے۔۔
اعدادوشمارکے مطابق فروری 2022 میں سمندرپارپاکستانیوں نے روشن ڈیجیٹل اکاؤنٹس کے ذریعہ 250 ملین ڈالرکازرمبادلہ ملک ارسال کیاجوجنوری کے مقابلہ میں زیادہ ہے، جنوری میں روشن ڈیجیٹل اکاؤنٹس کے ذریعہ ترسیلات زرکاحجم 222 ملین ڈالرریکارڈ کیا گیا تھا۔ ستمبر2020سے اب تک روشن ڈیجیٹل اکاؤنٹس کھولنے والے سمندرپارپاکستانیوں کی تعدادمیں مسلسل اضافہ ہورہاہے، فروری کے مہینہ میں روشن ڈیجیٹل اکاؤنٹس کے تحت مزید25571 اکاؤنٹس کھولے گئے جس کے بعد روشن ڈیجیٹل اکاؤنٹس کے کھاتہ داروں کی تعداد365182 ہوگئی۔
