بھارتی ریاست گجرات سے تعلق رکھنے والے شخص نے ٹرین کو بڑے حادثے سے بال بال بچالیا۔
بھارتی میڈیا رپورٹس کے مطابق 30 سالہ راکیش ٹرین ڈرائیور کو ٹوٹی ہوئی ریل کی پٹری کے بارے میں بتانے کے لیے تقریباً ایک کلومیٹر تک دوڑ ا اور ٹرین کو حادثے سے بچالیا،گجرات کے ضلع داہود میں نئی دہلی اور ممبئی روٹ پر 21 فروری کو ٹوٹی ہوئی پٹری کو دیکھ کر ایک مال ٹرین کو لال کپڑا لہرا کر روکا۔
راکیش کے مطابق جب وہ اپنی بکریاں چرا رہا تھا تو اس نے ایک جگہ ریلوے ٹریک ٹوٹا ہوا دیکھا، جس کے بعد وہ الارم بجانے کے لیے ایک کلومیٹر تک بھاگا لیکن وہاں ریلوے کا کوئی ملازم نظر نہیں آیا، پھر میں نے اپنے والد کو فون کیا اور انہیں ٹوٹی ہوئی ریلوے ٹریک کے بارے میں بتایا جس کے بعد انہوں نے کچھ ریلوے اہلکاروں سے فون پر رابطہ کرنے کی کوشش کی لیکن وہ ناکام رہے،تاہم اپنے والد کے مشورے کے مطابق وہ قریب ہی واقع اپنے گھر گیا اور سرخ کپڑے کا ایک ٹکڑا لے کر ٹریک پر واپس آیا۔
راکیش کا کہنا ہے کہ بعد میں وہ ٹوٹی ہوئی پٹر ی کی جگہ سے تقریباً دو کلومیٹر دور بیٹھ گیا اور مال گاڑی کو دیکھ کر لال کپڑا لہرانے لگا تاہم کچھ دیر بعد اسے دیکھتے ہی آنے والے ٹرین کے ڈرائیور نے ایمرجنسی بریک لگا کر ٹرین کو روک دیا۔
بعد ازاں راکیش کو ریلوے حکام کی جانب سے 5 ہزار بھارتی روپے کا انعام دیا گیا۔
He ran for 1 km to inform Train Driver about broken track in Gujrat.
He was awarded a cash prize of Rs5,000. pic.twitter.com/jOz2rReIMk
— Awanish Sharan (@AwanishSharan) March 6, 2022
تاہم دوسری جانب سوشل میڈیا صارفین نے حکام کو تنقیدکا نشانہ بنایا اور کہا کہ اتنا بہادی کا کا م کرنے کے باوجود راکیش کو اتنی کم انعامی رقم دی گئی۔