قومی ائیرلائنز (پی آئی اے) کا بوئنگ 777 طیارہ یوکرین میں پھنسے پاکستانیوں کو لینے کے لیے لاہور سے پولینڈ کے دارالحکومت وارسا پہنچ گیا۔
ترجمان پی آئی اے کے مطابق پاکستانی طالب علم طیارے میں سوار ہوگئے ہیں، 300 سے زائد پاکستانی وطن واپس آئیں گے،قومی ائیرلائن کی پرواز پی کے 7787 لاہور سے صبح 7 بجکر 23 منٹ پر پولینڈ کے دارالحکومت وارسا کے لیے روانہ ہوئی جو وارسا کے مقامی وقت کے مطابق صبح 10 بجے لینڈ کرگئی۔
At Warsaw airport. About to board.@ForeignOfficePk @FMPublicDiploPK pic.twitter.com/jZxpWFCL9T
— Pakistan Embassy Poland (@PakinPoland_) March 8, 2022
ترجمان نےبتایا کہ پرواز 300 سے زائد پاکستانیوں کو لے کر وطن واپس پہنچےگی اور واپسی پر اسلام آباد لینڈ کرےگی، طیارہ وزارت خارجہ کی ایما پر روانہ کیا گیا، حکومت پاکستان کی ہدایات پر مزید پروازیں بھی آپریٹ کی جائیں گی۔
