پاکستان تحریک انصاف کے ناراض رکن اسمبلی علیم خان وزیراعظم عمران خان سےملاقات کے متعلق جہانگیر ترین گروپ کے فیصلے سے منحرف ہو گئے ہیں۔

یاد رہے کہ جہانگیر ترین گروپ نے وزیراعظم کی زیر صدارت پارلیمانی پارٹی کے اجلاس میں شرکت نہ کرنے کا فیصلہ کیا تھا۔

دوسری جانب علیم خان گروپ کی جانب سے مقرر کئے گئے ترجمان صوبائی وزیر خالد محمود نے کہا ہے کہ ہم نے پنجاب کے کسی رکن اسمبلی کو وزیراعظم کے اجلاس میں جانے سے نہیں روکا، انہوں نے بتایا کہ وزیراعظم کے اجلاس میں شرکت کرنے والے اراکین اسمبلی علیم خان سے اجازت لے کر جا رہے ہیں۔

ترجمان علیم خان گروپ کا کہنا ہے کہ 40 اراکین پنجاب اسمبلی سے علیم خان کی ملاقات ہوئی ہے، وہ سب آج  وزیراعظم کے اجلاس میں جا رہے ہیں۔ انہوں نے کہا کہ آج کے اجلاس کے بعد باہمی مشاورت سے آئندہ کا لائحہ عمل طے کریں گے۔