نیٹی جیٹی پل کے قریب ٹریلر کی موٹر سائیکل کو ٹکر کے نتیجے میں باپ اور دو بیٹے جاں بحق ہو گئے۔
پولیس کا کہنا ہے کہ حادثہ موٹرسائیکل اور ٹریلر میں ہوا، جاں بحق تینوں افراد ایک ہی موٹرسائیکل پر سوار تھے۔رپورٹس کے مطابق حادثے کے بعد ٹریلر کا ڈرائیور موقع سے فرار ہوگیا، پولیس نے لاشوں کو اسپتال منتقل کیا۔
پولیس کا کہنا ہے کہ جاں بحق باپ اور بیٹے آگرہ تاج میں محنت مزدوری کے بعد واپس اپنے گھر کیماڑی جارہے تھے کہ حادثہ پیش آیا۔پولیس کے مطابق جاں بحق افراد کی موٹرسائیکل اور ٹریلر کو تھانے منتقل کردیا گیا ہے جبکہ تینوں لاشوں کو ضابطے کی کارروائی کے بعد سردخانے منتقل کردیا گیا۔
