وزیراعظم عمران خان نے جدید لڑاکا طیارے جے ٹین سی کی پاک فضائیہ میں شمولیت پر پوری قوم کو مبارک باد دیتے ہوئے کہا میلی آنکھ سے دیکھا تو بڑا نقصان اٹھانا پڑے گا۔
جدید لڑاکا طیارے جے10 سی کی پاک فضائیہ میں شمولیت کی تقریب سے خطاب کرتے ہوئے وزیراعظم نے کہا ہے کہ جے10 سی کی شمولیت پر قوم کو مبارکباد دیتا ہوں ۔وزیراعظم نے کہنا تھا کہ جے10سی فراہم کرنے پر چین کا شکریہ ادا کرتے ہیں جس سے ہمارا دفاعی نظام مزید مضبوط ہوگا۔ انہوں نے کہا کہ پلوامہ کے بعد بالاکوٹ حملے پر پاکستان کا ردعمل دنیا نے دیکھا ہے جس سے دنیا کو پیغام گیا ہے کہ پاکستان اپنی حفاظت کرنا جانتا ہے۔انھوں نے مزید کہا کہ ہمیں اپنی مسلح افواج پر فخر ہے، پاکستان مستحکم ہوتاجارہاہے، ملک کی سمت درست اور معیشت بہتر ہورہی ہے، کوئی پاکستان کی طرف میلی آنکھ سے نہیں دیکھ سکتا۔
جدید لڑاکا تیارے جے 10 سی کی پاک فضائیہ میں شمولیت کی تقریب
وزیر اعظم عمران خان کا خطاب@PakPMO @DGPR_PAF https://t.co/1mvgmopuFo
— Government of Pakistan (@GovtofPakistan) March 11, 2022
عمران خان کا کہنا تھا کہ دنیا کو پیغام گیا ہے کہ پاکستان اپنی حفاظت کرناجانتاہے، جے10سیئ کا ڈس پلے دیکھ کر مزید اعتماد آگیا ہے، کوئی بھی ہم پر کسی قسم کا دباؤ نہیں ڈال سکتاہے۔وزیراعظم نے کہا کہ آزاد ملک خود دار اس وقت رہ سکتا ہے جب وہ اپنی حفاظت کرسکے، اللہ کا کرم ہے کہ ہماری ریکارڈ ٹیکس کلیکشن ہوئی ہے، دہشتگردی کیخلاف جنگ میں پاکستان نے بےپناہ قربانیاں دیں۔ان کا مزید کہنا تھا کہ ہماری پہلی ترجیح ملک سے غربت کا خاتمہ کرناہے، جیسے جیسے دولت بڑھتی جائے گی ہم اپنے دفاع کو مزید مضبوط کریں گے ، اصل طاقت یہی ہے کہ آپ کو جنگ نہ لڑنی پڑے کیونکہ دنیا کو پتہ ہو،ہم دفاع کرسکتے ہیں۔عمران خان نے کہا قوم ساتھ کھڑی ہوتو مسلح افواج کا جذبہ مزید بڑھتا ہے،ہماری مسلح افواج اور قوم نے دہشتگردی کا بہادری سے مقابلہ کیا۔
