اوورسیز پاکستانیوں کے لیے کرونا سے متعلقہ سفری شرائط میں نرمی کا اعلان کیا گیا ہے۔

تفصیلات کے مطابق مانچسٹر میں قونصلیٹ جنرل نے کہا ہے کہ پاکستان جانے والے اوورسیز شہریوں کے لیے حکومت پاکستان نے کرونا ایس او پیز میں نرمی کر دی ہے، حکومت پاکستان نے تارکین وطن کو سہولت کی فراہمی کے پیش نظر فیصلہ کیا ہے کہ 12 سے 18 سال کے درمیان مسافر ویکسین کی لازمی شرط سے مستثنیٰ ہوں گے۔

یہ سہولت صرف 30 اپریل 2022 تک پاکستان جانے والے مسافروں کو حاصل ہوگی، تاہم 12 سال سے زائد عمر کے وہ تمام مسافر، جن کی ویکسینیشن نہیں ہوئی، اپنے ساتھ منفی پی سی آر ٹیسٹ لازمی لائیں گے۔

مسافروں کو پاکستان روانگی سے 72 گھنٹے قبل اپنا پی سی آر ٹیسٹ کرانا ہوگا۔