پاکستان اور عالمی صرافہ مارکیٹ میں سونے کی قیمت میں آج کمی کا رجحان ریکارڈ کیا گیا ہے۔

سندھ صرافہ بازار جیولرز ایسوسی ایشن کے مطابق آج پاکستان میں 450 روپے کی کمی کے بعد فی تولہ سونےکی قیمت ایک لاکھ 30 ہزار 750 روپے ہو گئی ہے۔ 10 گرام سونے کی قیمت بھی 386 روپے کی کمی کے بعد ایک لاکھ 12 ہزار 97 روپے ہو گئی ہے۔

عالمی صرافہ مارکیٹ میں بھی سونے کی قیمت میں کمی کا رجحان ریکارڈ کیا گیا ہے، فی اونس سونے کی قیمت 22 ڈالر کی کمی کے بعد 1983 ڈالر پر پہنچ گئی ہے۔

یاد رہے کہ گزژتہ روز بھی پاکستان میں فی تولہ سونے کی قیمت میں 200 روپے، جبکہ عالمی صرافہ مارکیٹ میں فی اونس سونے کی قیمت میں 10 ڈالر کی کمی ریکارڈ کی گئی تھی۔