سعودی عرب کے دارالحکومت ریاض میں آئل ریفائنری پر ڈرون حملے کے نتیجے میں آگ بھڑک اٹھی۔
سعودی میڈیا کے مطابق مملکت کی وزارت توانائی نے بیان جاری کیا ہے کہ دارالحکومت ریاض کی آئل ریفائنری میں ڈرون حملے کے بعد آگ بھڑک اٹھی تھی، جس پر قابو پالیا گیا ہے۔
وزارت توانائی کے مطابق آڈرون حملے کے باعث کوئی جانی نقصان نہیں ہوا اورنہ ہی تیل کی سپلائی متاثرہوئی۔ ڈرون حملہ کس نے کیا اس کے متعلق تفصیلات جاری نہیں کی گئیں۔
میڈیا رپورٹس کے مطابق ریاض کی آئل ریفائنری پر ڈرون حملہ گزشتہ روز کیا گیا تھا، جس کے نتیجے میں ریفائنری کے ایک حصے میں آگ بھڑک اٹھی تھی۔
یاد رہے کہ سعودی تنصیبات پر حالیہ چند مہینوں میں حوثی باغیوں کی جانب سے حملوں میں اضافہ ہوا ہے۔
