متحدہ قومی موومنٹ نے تحریک عدم اعتماد میں اپوزیشن کا ساتھ دینے کیلئے شرائط سامنے رکھ دی ہیں۔

ذرائع کے مطابق ایم کیو ایم نے شہری سندھ سے متعلق اہم مطالبات کئے ہیں جس میں کہا گیا ہے کہ شہری سندھ کیلئے نوکریوں میں 40 فیصد کوٹہ، بااختیار بلدیاتی نظام اور صوبائی مالیاتی کمیشن بنایا جائے۔ ایم کیو ایم نے یہ شرط بھی عائد کی ہے کہ اس مقصد کیلئے تحریری معاہدہ کیا جائے، اور مولانا فضل الرحمان، چوہدری برادران اور شہباز شریف معاہدے کے ضامن بنیں۔

ایم کیو ایم کی شرائط پر ن لیگ کا موقف بھی سامنے آ گیا ہے۔ نجی چینل سے گفتگو کرتے ہوئے سینئر نائب صدر مسلم لیگ ن شاہد خاقان عباسی نے کہا ہے کہ کراچی کےمسائل اوروسائل سےمتعلق ایم کیو ایم نے جائز معاملات سامنے رکھے ہیں، صوبے میں پیپلزپارٹی کی حکومت ہے ہم ان سے بات کریں گے۔