چیئرمین پاکستان پیپلز پارٹی بلاول بھٹو نے وزیراعظم کی لوئر دیر جلسے میں اپوزیشن پر کڑی تنقید پر بیان جاری کیا ہے۔
ٹوئٹر پر جاری اپنے بیان میں بلاول بھٹو زرداری نے کہا کہ عمران خان کی گالی گلوچ پر مبنی زبان اس بات کا سب سے بڑا ثبوت ہے کہ وہ جانتے ہیں کہ وہ ہار رہے ہیں۔
بلاول نے سوال کیا کہ کیا آپ نے کبھی کسی جیتنے والے کپتان کو اپنے حریفوں کو گالیاں دیتے سنا؟ نہیں سنا نہ، کیونکہ ایسا صرف ہارنے والے کرتے ہیں۔
Imran Khans abusive language is the biggest proof he knows he’s losing. Have you ever heard a winning captain abuse his opponents? No, losers do. His reference to the army in public jalsa while no confidence is pending is pathetic, desperate and will not work.
— BilawalBhuttoZardari (@BBhuttoZardari) March 11, 2022
بلاول بھٹو کا کہنا تھا کہ جب ان کے خلاف عدم اعتماد کی تحریک آ رہی ہے تو عمران خان کی جانب سے عوامی جلسے میں فوج کا حوالہ دینا افسوس ناک ہے، اور یہ ان کی مایوسی اور بے چینی کو ظاہر کرتا ہے، لیکن اب اس سے کام نہیں چلے گا۔
یاد رہے کہ آج لوئر دیر جلسے سے خطاب کرتے ہوئے وزیراعظم عمران خان کا اپوزیشن کو کڑی تنقید کا نشانہ بناتے ہوئے کہنا تھا کہ میں ان تینوں ڈاکوؤں کی وکٹیں ایک ہی انگ سونگ سے گرا دوں گا۔
