اپوزیشن جماعتوں نے جانبداری کے باعث چیئرمین سینیٹ کو بھی تبدیل کرنے کا فیصلہ کیا ہے۔

ذرائع کے مطابق اپوزیشن جماعتوں کا کہنا ہے کہ تحریک عدم اعتماد پیش ہونے کے بعد انہیں امید تھی کہ چیئرمین سینیٹ غیر جانبداری کا مظاہرہ کریں گے، لیکن وہ مسلسل حکومت کیساتھ جانبداری ظاہر کر رہے ہیں۔

چیئرمین سینیٹ کی جانبداری کے باعث متحدہ اپوزیشن نے انہیں بھی تبدیل کرنے کا فیصلہ کر لیا ہے۔

ذرائع کا کہنا ہے کہ تمام پارٹیاں مشاورت سے نمبر گیم کا جائزہ لینے کے بعد تحریک جمع کرائیں گی۔

یاد رہے کہ وزیراعظم عمران خان کیخلاف تحریک عدم اعتماد جمع ہونے کے بعد اسپیکر قومی اسمبلی اور چیئرمین سینیٹ نے اجلاس طلب کرنے کیلئے مشاورت کی تھی۔

واضح رہے کہ اگست 2019ء میں بھی چیئرمین سینیٹ کیخلاف تحریک اعتماد اعتماد جمع کرائی گئی تھی، جس میں اپوزیشن کو اکثریت ہونے کے باوجود بھی شکست کا سامنا کرنا پڑا تھا۔