سربراہ تحریک لبیک پاکستان حافظ سعد حسین رضوی نے عمران حکومت کے بارے میں بڑا بیان دے دیا ۔
تفصیلات کے مطابق حافظ سعد رضوی نے اپنے جاری کردہ ایک بیان میں کہا کہ عمران حکومت نے ملک کو آئی ایم ایف کا غلام بنا دیا ہے، دھمکیوں اور بدمعاشیوں سے ملک نہیں چلتے ہیں۔
ان کا کہنا تھا کہ وزیر اعظم اپنے مخالفین کے لیے غیر مہذب زبان استعمال کر رہے ہیں، عمران خان وزیر اعظم کے منصب پر فائز رہنے کے لائق نہیں اب گھر جانا ہوگا۔
ان کا مزید کہنا تھا کہ ملک کو مسائل سے چھٹکارا دلانے کے لیے حکومت اور اپوزیشن دونوں کے پاس کو ئی حل نہیں، ملک کو نا کام سیاسی جماعتوں کے رحم و کرم پر نہیں چھوڑا جا سکتا۔
سربراہ تحریک لبیک پاکستان حافظ سعد حسین رضوی کا مزید کہنا تھا کہ عدم اعتماد سے چہرے بھی تبدیل کر دیئے جائیں تو صورتحال جوں کی توں ہی رہے گی۔
