تحریک عدم کے ذریعے وزیراعظم عمران خان کو ہٹانے کے بعد اپوزیشن کے اگلے اہداف کی حکمت عملی سامنے آ گئی ہے۔

صحافیوں کیساتھ غیر رسمی گفتگو میں پیپلز پارٹی کے رہنماء خورشید نے کہا ہے کہ وزیراعظم کے خلاف تحریک عدم اعتماد کی کامیابی کے بعد اسپیکر قومی اسمبلی اسد قیصر اور وزیراعلیٰ پنجاب عثمان بزدار کے خلاف تحریک عدم اعتماد لائی جائے گی۔ انہوں نے کہا کہ اس مرحلے میں کامیابی کے بعد صدر مملکت کی بھی باری آئے گی۔

دوسری جانب ذرائع کے مطابق اپوزیشن جماعتوں کا کہنا ہے کہ تحریک عدم اعتماد پیش ہونے کے بعد انہیں امید تھی کہ چیئرمین سینیٹ غیر جانبداری کا مظاہرہ کریں گے، لیکن وہ مسلسل حکومت کیساتھ جانبداری ظاہر کر رہے ہیں۔ چیئرمین سینیٹ کی جانبداری کے باعث متحدہ اپوزیشن نے انہیں بھی تبدیل کرنے کا فیصلہ کیا ہے۔