اپوزیشن کی دونوں بڑی جماعتوں نے وزیراعظم کے خلاف تحریک عدم اعتماد کیلئے منعقد ہونے والے قومی اسمبلی کے اجلاس کے متعلق اسپیکر کے رویے کو جانبدار اور متعصب قرار دیا ہے۔
یاد رہے کہ گزشتہ روز قومی اسمبلی کے اسپیکر اسد قیصر نے صوابی میں جلسے سے خطاب کرتے ہوئے کہا تھا کہ اپوزیشن کی تحریک عدم اعتماد کا بھرپور مقابلہ کرکے اسے ناکام بنائیں گے۔
اسپیکر قومی اسمبلی کے بیان کے بعد رہنماء مسلم لیگ ن اور سابق اسپیکر قومی اسمبلی ایاز صاق نے کہا ہے کہ اسپیکر کا طرزعمل جانبدار اور انتہائی متعصب، اور ان کے حلف کی حلاف ہے۔ انہوں نے کہا کہ اسد قیصر یہ کہہ کر متنازع ہو گئے ہیں کہ اپوزیشن کی تحریک عدم اعتماد ناکام ہو جائے گی اور یہ ایک عالمی سازش ہے۔
دوسری جانب رہنما پیپلز پارٹی اور رکن قومی اسمبلی نوید قمر کا کہنا تھا کہ اپوزیشن کو اب اسپیکر قومی اسمبلی پر اعتماد نہیں رہا، اس لئےتحریک عدم اعتماد پر ووٹنگ کے دن اسمبلی کے اجلاس کی صدارت ایک غیر متنازع اور غیر جانبدار اسپیکر کو کرنی چاہیے۔
پیپلز پارٹی کی سینیٹر شیری رحمٰن نےٹوئٹر پر اپنے بیان میں کہا کہ اسپیکر تحریک عدم اعتماد کے متعلق اس طرح کے متعصبانہ بیانات کسی صورت نہیں دے سکتے، یہ ایک آئینی حق ہے جس میں اسپیکر رکاوٹ ڈالنے کی کوشش کر رہے ہیں۔
By saying that the VONC is a foreign conspiracy, is he suggesting the PTI govt was only in place due to foreign support? Is he a PTI office bearer or a Speaker of Pakistan’s National Assembly where he is supposed to safeguard the integrity of the outcome by remaining neutral.
— SenatorSherryRehman (@sherryrehman) March 12, 2022
انہوں نے کہا کہ یہ عمل بذات خود انہیں کسی بھی ایسے اجلاس کی صدارت کیلئے نااہل قرار دیتا ہے، اسد قیصر نے اپنے عہدے سے غداری کی، اور میری نظر میں وہ اب ایوان یا عمل کی صدارت نہیں کر سکتے۔
