وفاقی وزیر برائے آبی وسائل مونس الٰہی کا جہانگیر ترین کے صاحبزادے علی ترین سے ٹیلی فون پر رابطہ ہوا ہے۔

ذرائع کے مطابق جہانگیر ترین گروپ کے رکن عون چوہدری نے علی ترین اورمونس الہٰی کی ٹیلی فون پر بات کرائی، جس میں مونس الٰہی نے علی ترین سے ان کے والد جہانگیر ترین کی خیریت دریافت کی، اور دونوں کے درمیان ملکی سیاسی معاملات پر بھی گفتگو کی ہوئی۔

واضح رہے کہ ترین گروپ کے رہنماء عون چوہدری نے گزشتہ روز چوہدری برادران سے ملاقات کی تھی، جس میں تحریک عدم اعتماد سمیت ملک کی مجموعی سیاسی صورتحال کا جائزہ لیا گیا تھا۔

دوسری جانب ذرائع کا کہنا ہے کہ عون چوہدری نے اپنی ملاقاتوں کے متعلق جہانگیر ترین کو آگاہ کیااور انہیں اعتماد میں بھی لے لیا ہے۔ جس کے بعد ترین گروپ نے آج اہم مشاورتی اجلاس طلب کیا ہے جو سہ پہر تین بجے ماڈل ٹاؤن میں جہانگیر ترین کی رہائش گاہ پر ہوگا، جس میں اہم فیصلے متوقع ہیں۔