وزیراعظم کی زیر صدارت ہونے والا وفاقی کابینہ کا اجلاس مسلسل چوتھی بار ملتوی کر دیا گیا ہے۔

ذرائع کے مطابق 15 مارچ منگل کے روز ہونے والا وفاقی کابینہ کا اجلاس ملتوی کر دیا گیا ہے۔ ذرائع کا کہنا ہے کہ ملک کی سیاسی صورتحال کے پیش نظر وزیراعظم اور کابینہ اراکین کی مصروفیات کے باعث یہ اجلاس ملتوی کیا گیا ہے۔

یاد رہے کہ موجودہ دور حکومت میں وفاقی کابینہ کا اجلاس ہر منگل کو باقاعدگی سے منعقد کیا جاتا ہے، تاہم اس سے قبل بھی کابینہ کے مسلسل تین اجلاس ملتوی ہو چکے ہیں۔