وزیراعظم کیخلاف تحریک عدم اعتماد پر کاروائی کیلئے حکومت نے حتمی تاریخ کا تعین کر لیا ہے۔

ذرائع کے مطابق آج وزیراعظم کی زیرصدارت پی ٹی آئی کی کور کمیٹی کا اجلاس ہوا جس میں تحریک عدم اعتماد کا مقابلہ کرنے کے ساتھ اس کیلئے قومی اسمبلی کا اجلاس بلانے کی تاریخ پر مشاورت مکمل کرلی گئی ہے۔

ذرائع کا کہنا ہے کہ قومی اسمبلی کا اجلاس 21 مارچ کو بلائے جانے کا امکان ہے، جبکہ تحریک عدم اعتماد پر ووٹنگ اجلاس میں بحث کے بعد  29 مارچ کو کروائی جائے گی۔

ذرائع کے مطابق تحریک کور کمیٹی نے عدم اعتماد کے متعلق تمام فیصلوں کا اختیار وزیراعظم عمران خان کو دے دیا ہے۔

یاد رہے کہ اسپیکر قومی اسمبلی اسد قیصر نے تحریک عدم اعتماد کی تحریک اسمبلی سیکرٹریٹ میں جمع ہونے کے بعد کہا تھا کہ اس پر کاروائی قانون کے مطابق کی جائے گی۔