ترجمان پاکستان سول ایوی ایشن اتھارٹی کا کہنا ہے کہ متعلقہ افسران نے بھارتی وزیر اعظم کے طیارے کو فضائی حدود سے گزرنے کے اجازت دی ہے جو پیشگی طلب کی گئی تھی۔ بھارتی حکام نے وزیراعظم نریندر مودی کے دورہ اٹلی کیلئے جانے اور آنے کیلئے اجازت طلب کی تھی۔
ترجمان سی اے اے کے مطابق بھارتی وزیراعظم کا جہازبہاولپور کی فضائی حدود سے پاکستان کی فضائی حدودمیں داخل ہوا، جو تربت اور پنجگورسےگزر کر پاکستان کی فضائی حدودسے باہر نکل گیا۔ ترجمان کا مزید کہنا تھا کہ اٹلی کے دورے کے بعد بھارتی وزیر اعظم کا طیارہ پاکستانی فضائی حدود کا استعمال ہی کرے گا۔
یاد رہے کہ 2 روز قبل بھی بھارت کے مسافر طیارے نے شارجہ جانے کیلئے پاکستان کی فضائی حدود کا استعمال کیا تھا۔ ترجمان سی اے اے کے مطابق بھارتی ائیر بس 320 نے بھی پاکستان کی فضائی حدود استعمال کرنے کیلئےمتعلقہ حکام سے پیشگی اجازت طلب کی تھی۔