پاکستان اور عالمی صرافہ مارکیٹ میں سونے کی قیمت میں آج غیرمعمولی کمی کا رجحان ریکارڈ کیا گیا ہے۔

سندھ صرافہ بازار جیولرز ایسوسی ایشن کے مطابق آج پاکستان میں 1350 روپے کی بڑی کمی کے بعد فی تولہ سونےکی قیمت ایک لاکھ 29 ہزار 200 روپے ہو گئی ہے۔ 10 گرام سونے کی قیمت بھی بڑی کمی  کے بعد  ایک لاکھ 10  ہزار 468 روپے ہو گئی ہے۔

عالمی صرافہ مارکیٹ میں بھی سونے کی قیمت میں کمی کا رجحان ریکارڈ کیا گیا ہے، فی اونس سونے کی قیمت 42 ڈالر کی کمی  کے بعد 1925 ڈالر پر پہنچ گئی ہے۔