دبئی میں کھیلے جارہے آئی سی سی ٹی ٹوئنٹی ورلڈکپ کے اہم معرکے میں بھارتی بیٹنگ لائن مشکلات کا شکار رہی۔
اس سے قبل نیوزی لینڈ کے کپتان کین ولیمسن نے ٹاس جیت کر پہلے بھارت کو بیٹنگ کی دعوت دی۔ ایشان کشان اور کے ایل راہل نے اننگز کا آغاز کیا، کشان 4 اور راہل 18 رنز بنانے کے بعد آؤٹ کپتان ویرات کوہلی 9 اور روہت شرما 14 رنز بناکر پویلین واپس لوٹے۔ رشبھ پانٹ 12 اور ہاردک پانڈیا 23 رنز بنانے کے بعد آؤٹ ہوئے۔نیوزی لینڈ کی جانب سے ٹرینٹ بولٹ اور ایش سوڈھی نے 2،2 جب کہ ٹم ساؤتھی اور ایڈم ملنے نے ایک ایک وکٹ حاصل کی۔بھارت کی جانب سے ٹیم میں 2 تبدیلیاں کی گئی ہیں، سوریا کمار یادو کی جگہ ایشان کشان اور بھینشور کمار کی جگہ شردل ٹھاکر کو ٹیم میں شامل کیا گیا ہے۔
واضح رہے پاکستان، بھارت اور نیوزی لینڈ کو شکست دے چکا ہے جس کے بعد آج کا میچ انتہائی اہمیت کا حامل ہے کیوں کہ جیتنے والی ٹیم کے لیے سیمی فائنل میں پہنچنے کی راہ ہموار ہوجائے گی۔