وزیراعظم عمران خان  کے پارٹی رہنماوں سے رابطے  پارٹی رہنماوں کو متحرک کر دیا۔

تفصیلات کے مطابق وزیراعظم عمران خان نے ناراض اراکین قومی اسمبلی اور اتحادی جماعتوں کومنانے کا ٹاسک وزیردفاع پرویز خٹک اوروزیر خارجہ شاہ محمود قریشی کو دیدیا۔

ذرائع کا کہنا ہے کہ وزیراعظم عمران خان کی زیر صدارت ہونے والے سیاسی کمیٹی کے اجلاس میں تحریک عدم اعتماد کے قانونی پہلوؤں کا جائزہ لیا گیا اورپارٹی رہنماوں کومتحرک کردیا ۔

اس موقع پروزیراعظم عمران خان کا کہنا تھا کہ اتحادی ہمارے ساتھ ہیں، منحرف ارکان کوراضی کر لیں گے، اپوزیشن کو تحریک عدم اعتماد پرناکامی سے دوچار ہونا پڑے گا،اجلاس کے شرکاء نے وزیراعظم کو اتحادیوں سے ملاقاتوں کا مشورہ دیا جس پر وزیراعظم کا کہنا تھا کہ اتحادیوں سے ملاقاتیں کی ہیں اورمزید بھی ہوں گی۔

اس موقع پر وزیراعظم عمران خان نے ناراض پارٹی اراکین کو منانے کا ٹاسک پرویزخٹک اور شاہ محمود قریشی کو دیتے ہوئے کہا کہ ناراض ارکان کے تحفظات فوری طورپر دور کیے جائیں۔