مسلم لیگ ن نے ملک میں انتشار کا عندیہ دیتے ہوئے وزیراعظم کے استعفے کا مطالبہ کر دیا۔

تفصیلات کے مطابق مسلم لیگ ن کے رہنما احسن اقبال نے پریس کانفرنس  کے دوران موقف اختیا ر کیا کہ حکومت نے سینکڑوں اکاؤنٹس الیکشن کمیشن سے چھپائے، الیکشن کمیشن عمران خان کی چوری پر فوری نوٹس لے اور وزیر اعظم کونااہل قرار دے ۔ الیکشن کمیشن نے عمران خان کو نااہل کرنے میں دیر کی تو ملک میں انتشار پھیلے گا ۔

ان کا مزید کہنا تھا کہ نواز شریف کو اس بات پر نااہل کیا گیا کہ انہوں نے اپنے بیٹے سے 10ہزار درہم تنخواہ لی مگر اثاثوں میں ظاہر نہیں کی ،عمران خان نے بیرون ملک پاکستانیوں کو ورغلا کران سے کروڑوں روپے اکٹھے کیے،پی ٹی آئی نے الیکشن کمیشن سے اپنے اثاثے چھپائے،ان کی سیاست کا ڈراپ سین ہو گیا ہے ۔  احسن اقبال کا کہنا تھا کہ میں عدلیہ سے مطالبہ کرتا ہوں کہ اس جھوٹے، الزام تراشی کرنے والے سیاستدان کا حساب کیا جائے، پاکستان میں جس درجے کی الزام تراشی ،دوسروں کو جھوٹ کہنے کی سیاست عمران خا ن نے کی

اس کی مثال نہیں ملتی ۔