وفاقی وزیر ہوابازی غلام سرور خان نے کہا ہے کہ مائنس عمران خان کے بارے میں سوچا ہی نہیں جاسکتا ہے۔

وفاقی وزیر ہوا بازی غلام سرور خان نے کہا ہے کہ اگر تین بڑے چور خاندانوں کو مائنس کر دیں تو ہم اپوزیشن کے ساتھ بیٹھنے کو تیار ہیں۔  وفاقی وزیر غلام سرور نے کہا کہ اپوزیشن میں اچھے لوگ بھی ہیں، وزیراعظم عمران خان اور تحریک انصاف عالمی سازشوں کا شکار ہیں۔غلام سرور خان نے کہا کہ مولانا فضل الرحمان نے امریکی سفیر سے مل کر ان سے اقتدار کی بھیک مانگی، ثابت ہوتا ہے کہ مولانا پاکستان کی نہیں بلکہ کسی اور کی جنگ لڑ رہے ہیں۔

وفاقی وزیر نے کہا کہ تینوں اپوزیشن لیڈران کا لوٹا ہوا مال بیرون ملک ہے، مائنس عمران خان کے بارے سوچا ہی نہیں جا سکتا۔اُن کا کہنا تھا کہ عمران خان اور تحریک انصاف پاکستان کی سلامتی کےضامن ہیں، تین بڑے خاندانوں کو مائنس کردیں تو اپوزیشن سے بات کرنے کو تیار ہیں۔