جاپان میں 5.5 شدت کے زلزلے نے بڑی عمارتوں کو ہلا کر رکھ دیا ہے۔
جاپان میں 5.5 شدت درجے کے زلزلے کے جھٹکے محسوس کئے گئے۔ جاپان کی موسمیاتی ایجنسی (جے ایم اے) کے مطابق شمال مشرقی جاپان کے صوبے ایواتی میں مقامی وقت کے مطابق رات 11 بجکر 25 منٹ پر زلزلہ آیا جس کی ریکٹر سکیل پر 5.5 شدت محسوس کی گئی۔ موسمیاتی ایجنسی نے بتایا کہ زلزلے کا مرکز سطح زمین سے 20 کلومیٹر کی گہرائی میں تھا۔
زلزلے کے بعد ابتدائی طور پر کسی جانی و مالی نقصان کی اطلاع موصول نہیں ہوئی اور نہ ہی تاحال سونامی کی وارننگ جاری کی گئی ہے۔
