فیصل آباد کی مقامی عدالت نے پی ٹی آئی کے منحرف رکن اسمبلی رمیش کمار کو ٹی وی پروگرام میں گالی دینے پر طلب کر لیا ہے۔

یاد رہے کہ 17 مارچ کو نجی چینل کے ٹاک شو میں وزیراعظم کے معاون خصوصی خصوصی ڈاکٹر شہباز گل نے پارٹی کے منحرف رکن قومی اسمبلی رمیش کمار کے خلاف نہ صرف نازیبا الفاظ کا استعمال کیا تھا، بلکہ انہیں گالی بھی دی تھی۔

وزیراعظم کے معاون خصوصی کے رویے پر فیصل آباد کے ایڈیشنل ڈسٹرکٹ اینڈ سیشن جج قمر الزمان کی عدالت میں مقامی وکیل محمد عثمان ملک ایڈووکیٹ نے دفعہ 22 اے اور 22 بی کے تحت رٹ پٹیشن دائر کی تھی۔

محمد عثمان کی پٹیشن میں ڈاکٹر شہباز گل پر الزام عائد کیا گیا ہے کہ انہوں نے ٹی وی پروگرام کے دوران رمیش کمار کو متعدد بار گالیاں دیں، اور ان کے خلاف نازیبا الفاظ کا استعمال بھی کیا۔

عدالت نے رٹ پٹیشن پر شہباز گل، ٹاک شو کے میزبان کامران شاہد، ڈپٹی کمشنر فیصل آباد اور ڈپٹی ڈائریکٹر ایف آئی اے کو 29 مارچ کو طلب کرتے ہوئے انہیں نوٹسز جاری کر دئیے ہیں۔