وزیر حج وعمرہ نے کہا ہے کہ ویژن 2030ء کے تحت حجاج کرام کی خدمت کیلئے مثالی انتظامات اور کام انجام کئے گئےہیں۔
خادم حرمین شریفین کے مشیرو گورنرمکہ مکرمہ شہزادہ خالد الفیصل نے آج حج وعمرہ سروسز کی کانفرنس اور نمائش کا افتتاح کر دیا ہے، جس کا عنوان جدت کی جانب تبدیلی منتخب کیا گیا ہے۔ نمائش و کانفرنس کا انعقاد وزارت حج وعمرہ کی جانب سے کیا گیا تھا جس میں 20 سے زائد ممالک کے وزرا شریک ہورہے ہیں۔ مملکت کے ویژن 2030ء کے اہداف کو مدنظر رکھتے ہوئے کانفرنس میں وزارت حج نے ڈیجیٹل تبدیلی کے میدان میں جو ترقی کی ہے ان پربھی روشنی ڈالی گئی۔
بحضور ورعاية صاحب السمو الملكي الأمير خالد الفيصل، انطلاق مؤتمر ومعرض خدمات الحج والعمرة تحت شعار #التحول_نحو_الابتكار pic.twitter.com/Rwl7dZVCp8
— وزارة الحج والعمرة (@HajMinistry) March 21, 2022
ہمارے تمام اقدامات کا ہدف حاجیوں اور زائرین کو بہترین سہولیات مہیا کرنا ہے، وزیرحج وعمرہ بن فوزان الربیعہ
وزیرحج وعمرہ ڈاکٹر توفیق بن فوزان الربیعہ نے افتتاحی کلمات میں کہا ہماری دانشمندانہ قیادت کے پیش نظرہمیشہ سے ضیوف الرحمن کی وراحت وسکون پہنچانے کا ہدف مقدم رہا ہے ـ قیادت کے تمام اہداف کا مرکز ومحور رہا ہے کہ حاجی اپنا حج ، معتمر اپنا عمرہ اور وزٹراپنی زیارات میں کسی قسم کی دشواری کا سامنا نہ کرے۔
معالي الدكتور توفيق الربيعة: يهدف #تحدي_الحج_والعمرة إلى جمع الأفكار الإبداعية وتنفيذها بالتعاون مع القطاع الحكومي والخاص.#التحول_نحو_الابتكار pic.twitter.com/hGaFMeGRVP
— وزارة الحج والعمرة (@HajMinistry) March 21, 2022
انہوں نے مزید کہا کہ گزشتہ چند برسوں میں حج وعمرہ سسٹم نے جو تیز رفتار ترقی اور جدت کا مشاہدہ کیا ہے اس کے پس پردہ وہ عظیم الشان منصوبے ہیں جن پرعمل کئے بغیر یہ ممکن نہیں تھا۔
حج و عمرہ سروسز کو جدید ٹیکنالوجی سے آراستہ کر رہے ہیں، وزیرحج وعمرہ
وزیر حج و عمرہ کا کہنا تھا کہ حج وعمرہ سروسز کا شعبہ ہمارے لیے ایک چیلنج کی حیثیت رکھتا ہے اسے بہترین انداز میں قبول کرتے ہوئے اس شعبے کو جدید ٹیکنالوجی سے آراستہ کرتے آرہے ہیں، اس ضمن میں ہم نے حج وعمرہ چیلنج پروگرام کا آغاز کیا ہے جس کا مقصد بہترین افکار اورجدید خیالات کو جمع کرتے ہوئے انہیں عملی شکل میں نافذ کرنا ہے۔
جانب من الجلسة الافتتاحية لمؤتمر ومعرض خدمات الحج والعمرة، بمشاركة أصحاب المعالي والسعادة؛ للحديث عن ” #التحول_نحو_الابتكار والتقنية” pic.twitter.com/ZkerpcxLsg
— وزارة الحج والعمرة (@HajMinistry) March 21, 2022
انہوں نے کہا کہ اس ضمن میں گزشتہ 48 گھنٹے میں 1500 سے زائد افراد نے اس سلسلے میں رجوع کرتے ہوئے اپنے افکار وخیالات کے بارے میں آگاہ کیا۔
خلال الـ 48 ساعة الماضية تقدم أكثر من 1500 مشارك في #تحدي_الحج_والعمرة .. انضم الآن وساهم في إثراء التجربة الرقمية لضيوف الرحمن.#التحول_نحو_الابتكار pic.twitter.com/ziFecJKMCr
— وزارة الحج والعمرة (@HajMinistry) March 21, 2022
ڈاکٹر الربیعہ نے افتتاحی سیشن کے دوران خطاب کرتے ہوئے مزید کہا کورونا کی وبا سے دنیا کافی متاثر ہوئی انہوں نے کہا کہ میں سابق وزیرصحت کی حیثیت سے یہ کہہ سکتا ہوں کہ صحت کے شعبے میں بھی اس وبا سے نمٹنے کیلئے مثالی خدمات انجام دی گئی اسی طرح حج وعمرہ شعبے میں بھی انجام دی جانے والی مثالی خدمات ہمارے سامنے ہیں ۔
مشاركة أكثر من 159 جهة حكومية وخاصة في معرض خدمات الحج والعمرة تحت شعار #التحول_نحو_الابتكار pic.twitter.com/vjoNwgwjbN
— وزارة الحج والعمرة (@HajMinistry) March 21, 2022
انہوں نے مزید کہا اعتمرنا ایپ نے حرمین شریفین میں آنے والوں کو کافی سہولت فراہم کی جبکہ اس ایپ سے منظم انداز میں عمرہ زائرین اور مسجد نبوی الشریف میں آنے والوں کو کافی آسانی ہوئی ، روضہ شریفہ میں بھی حاضری دینے والوں کو سہولت ہوئی۔
قومی فضائی کمپنی 2030ء تک 30 ملین عمرہ زائرین کو سفری سہولت فراہم کرے گی، انجینئرابراھیم عبدالرحمان العمر
کانفرنس سے خطاب کرتے ہوئے سعودیہ ایئرلائن کے ڈائریکٹر جنرل انجینئرابراھیم عبدالرحمان العمر نے کہا قومی فضائی کمپنی 2030ء تک 30 ملین عمرہ زائرین کو سفری سہولت فراہم کرے گی، اس ضمن میں السعودیہ کے فضائی بیڑے میں بھی اضافے کا سفر جاری ہے جبکہ مختلف ممالک میں مزید پوائنٹس کابھی اضافہ کیا گیا ہے۔
توقيع مذكرة تفاهم تجمع بين وزارة الحج والعمرة و الخطوط السعودية @Saudi_Airlines؛لتحسين التجربة الرقمية في خدمة ضيوف الرحمن. #التحول_نحو_الابتكار pic.twitter.com/dNngElsZHB
— وزارة الحج والعمرة (@HajMinistry) March 21, 2022
روٹ ٹو مکہ پروجیکٹ کے تحت 2 لاکھ 77 ہار افراد کو سفری سہولیات فراہم کی گئیں، ڈائریکٹر جنرل محکمہ پاسپورٹ اینڈ امیگریشن
محکمہ پاسپورٹ اینڈ امیگریشن جوازات کے ڈائریکٹر جنرل بریگیڈیئرسلیمان عبدالعزیز الیحیی نے کانفرنس سے خطاب کرتے ہوئے کہا روٹ ٹومکہ پروجیکٹ 5 ممالک میں کامیابی سےلانچ کیا گیا جس کے تحت 2 لاکھ 77 ہزار سے زائد افراد کو سہولت فراہم کرتے ہوئے انکے ملکوں میں ہی امیگریشن کے معاملات نمٹائے گئے ۔
مکہ مکرمہ اور مشاعرمقدسہ میں رائل کمیشن کے سی ای او انجینئرعبدالرحمن فاروق عداس نے کہا مملکت کے ویژن 2030ء میں ضیوف الرحمن کی خدمت بنیادی منصوبوں میں سےانتہائی اہم پروگرام ہے جس کیلئے مملکت کی قیادت نے 6 ارب ریال مختص کئے ہیں ۔
کانفرنس کے افتتاحی سیشن کے اختتام پرعلم کمپنی کے سی ای اونے کہا ہماری کوشش ہے کہ ضیوف الرحمان کوپیش کی جانےوالی خدمات کے معیار کو مزید بہتر بنایا جائے اس کےلیے ہم تمام سروسز کو ڈیجیٹلائز کرنے کیلئے کوشاں ہیں۔
وزارت حج وعمرہ کی جانب سے آج منعقد ہونے والی سہہ روزہ کانفرنس ونمائش 23 مارچ تک جاری رہے گی۔