وفاقی وزیر توانائی حماد اظہر نے کہا ہے کہ اگلے چند دن پاکستان کے مستقبل کے حوالے سے بہت اہم ہیں۔

تفصیلات کے مطابق حماد اظہر  نے سماجی رابطوں کی ویب سائٹ ٹوئٹرپرجاری کردہ اپنے ایک بیان میں کہی ہے، انہوں نے کہا کہ اس وقت پاکستان بمقابلہ چند کرپٹ خاندان ہیں، پاکستان تحریک انصاف سے تعلق رکھنے والے وفاقی وزیر حماد اظہر نے کہا کہ عمران خان کے نام پر ووٹ لینے والے اپنی حکومت بنانے کا خواب دیکھ رہے ہیں،پاکستان کو واپس زرداری، شریف اور فضل الرحمان کے تاریک دور میں دھکیلا جا رہا ہے۔

پی ٹی آئی سے تعلق رکھنے والے وفاقی وزیر مملکت برائے اطلاعات و نشریات فرخ حبیب نے بھی اپوزیشن پر کڑی نکتہ چینی کرتے ہوئے کہا ہے کہ ملک لوٹنے والوں کے لیے آج ناکامیوں کا دن ہے۔

وفاقی وزیر مملکت فرخ حبیب نے کہا کہ شہباز،زرداری اورفضل الرحمان کے لیے آج ناکامیوں کا دن ہے۔

فرخ حبیب نے کہا کہ پہلی ناکامی 14 روز میں اجلاس بلانے کا معاملہ پارلیمنٹ میں جا کر بات کریں، دوسری ناکامی تحریک انصاف کا جلسہ بھی نہیں روکا جا سکا۔ انہوں نے کہا کہ آئین سب کو پرامن جلسوں کی اجازت دیتا ہے۔