باجوڑ میں سیکیورٹی فورسز پر دہشت گردوں نے فائرنگ کردی، جوابی فائرنگ کے نتیجے میں چار دہشت گرد ہلاک ہو گئے ہیں۔

تفصیلات کے مطابق پاک فوج کے شعبہ تعلقات عامہ آئی ایس پی آرکے حوالے سے بتایا ہے کہ مارے جانے والے دہشت گردوں سے اسلحہ و گولہ بارود بھی برآمد ہوا ہے۔

آئی ایس پی آر کے مطابق سیکیورٹی فورسز کے ساتھ ہونے والے فائرنگ کے تبادلے میں دو جوانوں نے جام شہادت نوش کیا جب کہ تین شہری بھی شہید ہوئے ہیں۔

شہدا میں نائب صوبیدار اشتیاق اور ساہی کامران شامل ہیں،شہید ہونے والے 44 سالہ نائب صوبیدار اشتیاق کا تعلق نوشہرہ سے ہے جب کہ 21 سالہ سپاہی کامران کا تعلق ضلع اورکزئی سے ہے۔