پاکستان اور عالمی صرافہ مارکیٹ میں سونے کی قیمت میں آج بھی اضافے کا رجحان ریکارڈ کیا گیا ہے۔

سندھ صرافہ بازار جیولرز ایسوسی ایشن کے مطابق آج پاکستان میں 300 روپے کے اضافے کے بعد  فی تولہ سونےکی قیمت ایک لاکھ 31 ہزار روپے ہو گئی ہے۔ 10 گرام سونے کی قیمت بھی 257 روپے کے اضافے کے بعد ایک لاکھ 12 ہزار 952 روپے ہو گئی ہے۔

دوسری جانب عالمی صرافہ مارکیٹ میں بھی سونے کی قیمت میں اضافہ ریکارڈ کیا گیا ہے، جہاں فی اونس سونے کی قیمت 2 ڈالر کے اضافے کے بعد 1928 ڈالر پرپہنچ گئی ہے۔

یاد رہے کہ گزشتہ روز بھی پاکستان میں فی تولہ سونے کی قیمت میں 700 روپے جبکہ عالمی صرافہ مارکیٹ میں فی اونس سونے کی قیمت میں 5 ڈالرکا اضافہ ہوا تھا۔