کشمیر میں بے روز گاری کا خاتمہ نوجوانوں میں ریاست مخالف بیانیے کو ختم کر دے گا ،مودی
بھارتی وزیر اعظم نریندر مودی کی زیرقیادت حکومت یہ موقف رکھتی ہے کہ خطے میں خوشحالی کا تصور مقبوضہ جموں و کشمیر میں بے روزگاری کا خاتمہ کرے گا اور نوجوان پھر ‘ریاست مخالف حکومت کا حصہ’ بننے سے انکار کر دیں گے۔
تفصیلات کے مطابق سعودی عرب، متحدہ عرب امارات (یو اے ای) اور ہانگ کانگ کے وفود نے منگل کو ہندوستان کے غیر قانونی طور پر مقبوضہ جموں و کشمیر میں سرمایہ کاری کانفرنس میں شرکت کی اور اس مقصد کے لیے 2000 ایکڑ اراضی مختص کی گئی ہے، جو کہ مختلف کمپنیوں کے 30 سے زائد ارکان اس وقت ہمالیہ کے متنازع علاقے میں موجود ہیں تاکہ اس سمٹ میں سرمایہ کاری کے مواقع کا جائزہ لیا جا سکے جو مزید 3 دن تک جاری رہے۔
مقبوضہ جموں و کشمیر کے پرنسپل سکریٹری کے مطابق انتظامیہ مقامی لوگوں کی زمین کو الاٹ نہیں کر رہی ہے بلکہ وہ جو ریاست کی ہے، ان کا مزید کہناتھا کہ مقامی لوگ بھی زمینی قوانین میں مناسب تبدیلی کے بعد اپنی زمین کے بارے میں فیصلے لے سکتا ہیں۔
مزکورہ ممالک کے وفود ایک ایسے وقت میں سرمایہ کاری کے اختیارات کا جائزہ لے رہے ہیں جبکہ او آئی سی کے وزرائے خارجہ مقبوضہ جموں و کشمیر اور مسلم دنیا کو درپیش دیگر مسائل پر بلاک کے ایک اہم اجلاس کے لیے اسلام آباد میں ہیں ، یہاں یہ بات قابل ذکر ہے کہ بھارتی حکومت مقبوضہ علاقے میں سرمایہ کاری کو راغب کرنے کے لیے گزشتہ 2 برسوں سے کوششیں کر رہی ہے لیکن یہ کوششیں صرف ایشیائی ممالک تک محدود ہیں اور امریکا، برطانیہ یا دیگر مغربی ممالک نے کوئی خاطر خواہ مظاہرہ نہیں کیا۔
اس سے قبل 5 اگست 2019 کو ہندوستان نے ایک ایسا اعلان کیا جس نے پوری دنیا میں موجود کشمیریوں میں صدمے کا باعث بنا ۔
جبکہ ہندو قوم پرست حکومت نے مقبوضہ کشمیر سے اس کی نیم خودمختار حیثیت کو چھین لیا جس کی ضمانت بھارتی آئین کے آرٹیکل 370 کے تحت دی گئی تھی، جو خطے کی آبادی کو تبدیل کرنے کے منصوبے کے تحت ہے۔
