مسلم لیگ ن کے رہنما مفتاح اسماعیل نے رکن پنجاب اسمبلی ثانیہ عاشق کے دوپٹے سے چہرہ پونچھنے کی ویڈیو سے متعلق وضاحت پیش کردی۔
تفصیلات کے مطابق ٹوئٹر پر ایک بیان میں ثانیہ عاشق کو اپنی بہن کہتے ہوئے مفتاح اسماعیل نےکہا کہ پہلے انہوں نے اپنی جیب سے ٹشو نکال کر چہرہ صاف کیا، دوسری بار بےدھیانی میں انھوں نے ٹشو کی جگہ ثانیہ عاشق کے دوپٹے سے چہرہ صاف کرلیا۔

مفتاح اسماعیل کے مطابق احساس ہونے پر انھوں نے ثانیہ عاشق سے معذرت بھی کی۔
خیال رہے کہ مسلم لیگ ن کے رہنما اور سابق وزیر خزانہ کی ایک ویڈیو منظرعام پر آئی تھی جس میں انھیں ثانیہ عاشق کے دوپٹے سے دو بار چہرہ پونچھتے دیکھا جاسکتا ہے۔

A video shows me wiping my face with my sister @SaniaaAshiq’s dupatta. As seen, I reached in my pocket, got a tissue & wiped my face. 2nd time I unknowingly picked up her dupatta on the tissue to wipe my face. Of course I apologised to her when I saw it.

— Miftah Ismail (@MiftahIsmail) March 23, 2022