اپوزیشن کے تحریک عدم اعتماد پر وزیر اعظم عمران خان نے عوامی طاقت کے مظاہرے کے عزم کے ساتھ ساتھ سرپرائز پلان کا بھی عندیا دیا ہے۔
تفصیلات کے مطابق پا کستان کے شہریوں کے نام ایک پیغام میں وزیر اعظم عمران خان نے کہا کہ قرآن میں اللہ پاک حکم دیتا ہے کہ اچھائی کے ساتھ کھڑے ہونا ہے، برائی سے لڑنا ہے، انہون نے کہاکہ گزشتہ 30 سال سے ڈاکوؤں کا ایک ٹولہ ملک میں کرپشن کر رہا ہے اور ملک کو لوٹ رہا ہے اس نے اکٹھے ہوکر پارلیمانی نمائندوں کی ضمیر کی قیمتیں لگائی ہیں۔ ان کا کہنا تھا نے کہا یہ لوگ عوامی نمائندوں کو کھلے عام خرید رہے ہیں، میں چاہتا ہوں کہ 27 مارچ کو پوری قوم میرے ساتھ نکلے اور بتائے کہ ہم اس ملک میں جمہوریت کے خلاف، عوام کے خلاف اور قوم کے خلاف ہونے والے جرم کی مخالفت کرتے ہیں
عمران خان نے کہا کہ انہیں بتائیں کہ چوری کے پیسوں سے جو تم عوامی نمائندوں کے ضمیر خرید رہے ہو قوم اس کے خلاف ہے۔
ان کا کہنا تھا کہ سارے پاکستان کو یہ علم ہونا چاہیے کہ کسی کی ہمت نہیں ہونی چاہیے کہ وہ اس طرح سے ہارس ٹریڈنگ کر کے عوامی نمائندوں کے ضمیر خریدیں گے۔
پی ٹی آئی رہنما نے مزید لکھا کہ وزیراعظم عمران خان نے قوم کے نام اہم پیغام دیا ہے کہ وہ خود عوام کو 27 مارچ کے جلسے کی دعوت دیں گے، وزیراعظم کا پیغام آج دوپہر 11:45 پہ ٹی وی، ریڈیو، سوشل میڈیا سے نشر کیا جاے گا۔
وزیراعظم عمران خان کا قوم کے نام اہم پیغام – وزیراعظم خود عوام کو 27 مارچ جلسے کی دعوت دیں گے – وزیراعظم کا پیغام آج دوپہر 11:45 پہ ٹی وی، ریڈیو، سوشل میڈیا سے نشر کیا جاے گا –#امربالمعروف
— Faisal Javed Khan (@FaisalJavedKhan) March 24, 2022
