حکومت کی اتحادی جماعت متحدہ قومی موومنٹ (ایم کیو ایم) اور اپوزیشن کے معاملات طے پا گئے، ایم کیو ایم نے اپوزیشن کو تحریک عدم اعتماد میں ساتھ دینے کی یقین دہانی کرا دی ہے۔
ایم کیو ایم پاکستان کا وفد سابق صدر آصف زرداری سے ملاقات کے لیے زرداری ہاؤس اسلام آباد پہنچا جس میں خالد مقبول صدیقی، عامر خان ، امین الحق سمیت دیگر رہنما شامل تھے۔
ایم کیو ایم تحریک عدم اعتماد پر ووٹنگ والے دن اپوزیشن کا ساتھ دینے کا اعلان کرے گی۔یاد رہے کہ اس سے قبل آج ایم کیو ایم کا وفد زرداری ہاؤس پہنچا، وفد میں خالد مقبول صدیقی، عامر خان ، امین الحق سمیت دیگر رہنما موجود تھے، آصف علی زرداری نے مہمانوں کے لیے ظہرانے کا بھی اہتمام کررکھا تھا۔
ایم کیو ایم نے اپوزیشن کو تحریک عدم اعتماد میں ساتھ دینے کی یقین دہانی کرائی ہے۔
پیپلز پارٹی کی جانب سے ملاقات میں آصف زرداری اور بلاول بھٹو زرداری کے علاوہ وزیر اعلیٰ سندھ اور صوبائی وزراء بھی ملاقات میں شامل تھے۔