وفاقی وزیر اطلاعات فواد چوہدری نے اسلام آباد جلسے سے قبل اپوزیشن پر طنز کرتے ہوئے کہا ہے کہ ’ تیاری پکڑو چوہوں، اب ٹانگیں نہ کانپیں۔‘
سماجی رابطے کی ویب سائٹ پر وفاقی وزیر نے اپنے پیغام میں لکھا کہ کراچی اور گلگت بلتستان سے قافلے تاریخی امر بالمعروف جلسے میں شرکت کیلئے رواں دواں ہیں۔فواد چوہدری نے کہا کہ گلگت بلتستان سے 20 کلومیٹر لمبا جلوس جلسے میں شرکت کیلئے آرہا ہے ۔
کراچی اور گلگت بلتستان سے فاصلے تاریخی #امربالمعروف جلسے میں شرکت کیلئے رواں دواں ہیں، گلگت بلتستان سے 20 کلومیٹر لمبا جلوس جلسے میں شرکت کیلئے آرہا ہے۔۔۔۔تیاری پکڑو چوہوں اب ٹانگیں نہ کانپیں https://t.co/btd2v1uQPQ
— Ch Fawad Hussain (@fawadchaudhry) March 26, 2022
واضح رہے کہ اسلام آباد پریڈ گراؤنڈ جلسے کیلئے وزیراعظم عمران خان نے پارٹی کی سینئر قیادت کو گزشتہ روز ہونے والے اجلاس میں اہم ٹاسک سونپے ہیں، پارٹی کارکنان کو جلسہ کا وقت 3 بجے کا دیا جائے گا۔
اور اب باری ہے کمالیہ کی! آئیے ملکر اپوزیشن کو عدم اعتماد لانے پر شکریہ بولیں-منڈی بہاوالدین,میلسی, دیر٫حافظ آباد,سوات,درگئی اور مانسہرہ کےکامیاب جلسوں کے بعد اج وزیراعظم عمران خان کمالیہ میں جلسہ عام سے خطاب کریں گے- عمران خان کے کارڈ جلد سامنے آنے والا ہے انشاء اللہ
— Faisal Javed Khan (@FaisalJavedKhan) March 26, 2022
دوسری جانب سوشل میڈیا پر جاری بیان میں فیصل جاوید خان نے کہا کہ اب باری ہےکمالیہ کی! آئیے اپوزیشن کو عدم اعتماد لانے پر شکریہ بولیں۔
سیینٹر فیصل جاوید کا کہنا تھا کہ آج وزیراعظم عمران خان کمالیہ میں جلسہ عام سے خطاب کریں گے، عمران خان کا کارڈ جلد سامنے آنے والا ہے۔
