گورنر سندھ عمران اسماعیل نے قتل کیس میں نامزد پیپلزپارٹی رکن قومی اسمبلی جام عبدالکریم کی دبئی سے وطن واپسی کے معاملے پر ڈی جی ایف آئی اے کو خط لکھ دیا۔

گورنر سندھ نے اپنے خط میں کہا کہ ایم این اے جام عبدالکریم ناظم جوکھیو قتل کیس میں مفرور تھے اور وہ قتل کیس کی ایف آئی آر میں نامزد ہیں۔گورنر سندھ عمران اسماعیل نے خط میں کہا ہے کہ جام عبدالکریم کو وطن واپسی پر گرفتارکرکے متعلقہ عدالت میں پیش کیاجائے۔

واضح رہے کہ وفاقی وزیر  داخلہ  شیخ رشید نے بھی پریس کانفرنس میں کہا کہ عدم اعتماد کے لیے ناظم جوکھیو قتل کیس میں نامزد  ملزم جام عبدالکریم کو دبئی سے ووٹ ڈالنے کے لیے بلایا جارہا  ہے لیکن ہم انہیں پاکستان آمد  پر گرفتار کریں گے۔