وزیراعظم عمران خان کے معاون خصوصی برائے سیاسی ابلاغ شہباز گل کا پنجاب اسمبلی توڑنے سے متعلق سمری کی تیاری کی خبر پر ردعمل سامنے آیا ہے۔

تفصیلات کے مطابق شہباز گل کا کہنا ہے کہ ایسی کوئی بات نہیں اور اس خبر میں صداقت نہیں ہے،خیال رہے کہ ذرائع کے حوالے سے یہ خبر سامنے آئی ہے کہ وزیراعلیٰ پنجاب عثمان بزدار نے  پنجاب اسمبلی تحلیل کرنے کیلئے سمری تیار کرلی ہے۔

ذرائع وزیراعلیٰ پنجاب کے مطابق عمران خان کے حکم پر اسمبلی تحلیل کی جاسکتی ہے اور عمران خان نے حکم کیا تو عہدہ بھی چھوڑ سکتے ہیں،وزیراعظم، عثمان بزدار کو کمالیہ میں جلسے کے بعد اپنے ساتھ اسلام آباد لے گئے ہیں۔