معروف پاکستانی اداکارہ حنا خواجہ بیات نے کہا ہے مریم نواز آپ نے یہ کہنے پر مجبور کر دیا ہے، آپ کے منہ میں خاک۔
حنا خواجہ نے انسٹاگرام پر ایک ویڈیو پیغام شیئر کیا جو گزشتہ روز سے سوشل میڈیا پر زیرِ گردش ہے، اداکارہ نے اپنے پیغام میں کہا کہ ‘میں نے کبھی نہیں چاہا کہ کسی کے لیے کوئی سخت الفاظ استعمال کروں۔
View this post on Instagram
اداکارہ نے مریم نواز کو مخاطب کرتے ہوئے کہا کہ ‘مریم صاحبہ آپ نے مجھے مجبور کردیا ہے کہ میں کہوں آپ کے منہ میں خاک، اللہ نہ کرے بقول آپ کے کہ پاکستان کا طیارہ کبھی اس پرانے پاکستان میں اترے جیسا پاکستان آپ لوگوں نے اور آپ کی اتحادی جماعتوں نے بنا دیا تھا۔
حنا خواجہ نے کہا کہ ‘اللہ تعالیٰ ہمارے ملک کی اندرونی اور بیرونی دشمنوں سے حفاظت کرے، اللہ ہماری پاک افواج کی حفاظت اور ان حکمرانوں کی حفاظت کرے جو محب وطن ہیں، اللہ ہمارا حامی و ناصر ہو ۔اپنے پیغام کے اختتام پر اداکارہ نے یہ بھی کہا کہ ‘یہ ایک پاکستانی کی دل سے دعا ہے۔
