وفاقی وزیر فواد چوہدری کا شاہ زین بگٹی کے حوالے سے بیان دیا کہ شاہ زین کل دوبارہ ہماری حکومت کا حصہ ہونگے۔

تفصیلات کے مطابق انہوں نے کہا کہ 12 لوگوں نے پریس کانفرنس کی ان میں سے 4 نے واپسی کا راستہ اختیار کر لیا، اسدعمر کی کل شاہ زین بگٹی سے ملاقات ہونی ہے، امید ہے کہ وہ کل واپس حکومت کے ساتھ ہوں گے۔فواد چودھری نے کہا کہ آپ کسی بھی قوم یا صوبے سے تعلق رکھتے ہوں باہر نکلیے، آج عوام عمران خان کے لیے باہر نکلیں۔

پاکستان تحریک انصاف سے تعلق رکھنے والے وفاقی وزیر فواد چودھری نے کہا کہ عمران خان نے آزاد خارجہ پالیسی کی بنیاد رکھی، وہ پاکستان کی معیشت اور انڈسٹری کو پاؤں پرکھڑا کر رہے ہیں۔

انہوں نے کہا کہ وزیراعظم نے ملکی معیشت کو استحکام کی جانب گامزن کردیا ہے، بہادر قوم کو بہادر لیڈر کی ضرورت ہوتی ہے۔