افغانستان کے دارالحکومت کابل کے پارکوں میں افغان حکومت کی طرف سے خواتین اور مردوں کے داخلےکے لیے الگ الگ دنوں کا ٹائم شڈیول جاری کردیا گیا۔
افغان میڈیا کے مطابق وزارت امر بالمعروف و نہی عن المنکر نےکابل اور اس کے اطراف کے پارکوں میں خواتین اور مردوں کے مخلوط داخلہ پر پابندی لگا دی ہے ۔
نئی ہدایات کے مطابق کابل کے پارکوں میں اتوار، پیر اور منگل کے دن خواتین کے لیے مختص کر دیے گئے ہیں ،جبکہ مردوں کو بدھ، جمعرات، جمعہ اور ہفتےکو پارکوں میں جانے کی اجازت ہوگی۔