وفاق میں وزیراعظم عمران خان کے بعد پنجاب میں وزیراعلیٰ پنجاب عثمان بزدار کے خلاف بھی تحریک عدم اعتماد جمع کرا دی گئی ہے ۔

تحریک عدم  اعتماد  کی قرارداد پر رانا مشہود، رمضان صدیق، ملک احمد اور  میاں نصیر احمد کے دستخط موجود ہیں۔ قرار داد کے متن  میں کہا گیا ہےکہ وزیراعلیٰ عثمان بزدار پر ایوان کی اکثریت کا اعتماد نہیں رہا، پنجاب کے معاملات آئین کے تابع نہیں چلائے جارہے، عثمان بزدار نے پنجاب میں جمہوری روایات کا قلع قمع کیا۔

اپوزیشن نے وزیراعلیٰ پنجاب عثمان بزدار کے خلاف تحریک عد م اعتماد جمع کروا دی ہے ، اسمبلی سیکریٹریٹ میں تحریک رانا مشہود اور سمیع اللہ خان سمیت دیگر اراکین کی جانب سے جمع کروا ئی گئی ہے جس پر متعدد اراکین اسمبلی کے دستخط موجود ہیں۔ تحریک عدم اعتماد آنے کے بعد آنے کے بعد عثمان بزدار اسمبلیاں تحلیل نہیں کر سکیں گے اور سپیکر 14 روز میں اسمبلی کا اجلاس بلانے کے پابند ہیں