تحریک عدم اعتماد میں ناراض اتحادیوں کو منانے کا مشن، وزیرخارجہ شاہ محمود قریشی اور وفاقی وزیراسدعمر چودھری شجاعت کی رہائشگاہ پہنچے، جہاں ق لیگ کے رہنماوں سے ملاقات کی
مطابق تحریک انصاف کا اعلیٰ سطحی وفد چوہدری برادران کی رہائش گاہ آئے، جہاں انہوں نے ا سپیکر پنجاب اسمبلی اور مسلم لیگ (ق) کے صدر چوہدری پرویزالٰہی سے ملاقات کی، حکومتی وفد میں وفاقی وزراء اسد عمر، شاہ محمود قریشی اور پرویز خٹک شامل تھے، جب کہ ق لیگ کے رہنما اور ارکان قومی اسمبلی چودھری طارق بشیر چیمہ، مونس الہیٰ، سالک حسین، حسین الٰہی اور سینیٹر کامل علی آغا بھی شریک تھے۔
ملاقات میں تحریک عدم اعتماد، موجودہ ملکی سیاسی صورتحال سمیت باہمی دلچسپی کے امور پر تفصیلی گفتگو کی گئی ہے۔ اس دوران حکومتی وفد نے چوہدری پرویز الٰہی کو کو بتایا کہ حکومت انہیں وزارت اعلیٰ دینے کیلئے تیار ہے۔ملاقات کے بعد شاہ محمود قریشی کا کہنا تھا کہ چوہدری برادران ابھی تک حکومت کے ساتھ کھڑے ہیں جبکہ چوہدری پرویز الہی نے کہا کہ تمام اتحادیوں کے ساتھ مشترکہ فیصلہ کرے گے۔ملاقات کے بعد مونس الہی نے کہا کہ ہمارے حکومت کے ساتھ اچھے تعلقات ہیں جلد ہی بریک تھرو دیں گے، ہم اپنی بہتری کا فیصلہ کرے گے دونوں جانب سے آفرز موجود ہیں۔
(ق) لیگ کے اعلامیے میں کہا گیا ہےکہ دونوں جماعتوں کے رہنماؤں نے تحریک عدم اعتماد اور سیاسی صورتحال سمیت باہمی دلچسپی کے امور پر تفصیلی تبادلہ خیال کیا جب کہ پنجاب کی وزارت اعلیٰ سے متعلق حکومتی وفد سے کوئی بات نہیں۔
وفاقی وزیر اسد عمر نے کہا کہ گلے شکوے اپنوں سے ہوتے ہیں جہاں کوئی امید ہوتی ہے وہاں ہی گلہ ہوتا ہے ۔ رشتہ آج بھی قائم ہے، ہماری بہت اچھی اور مثبت بات چیت ہوئی ہے۔
