شمالی وزیرستان میں سیکیورٹی فورسز کے آپریشن میں 4 دہشت گرد ہلاک ہوگئے ہیں۔

پاک فوج کے شعبہ تعلقات عامہ کے مطابق 27 اور 28 مارچ کی درمیانی شب  سیکورٹی فورسز نے شمالی وزیرستان کے ضلع جھلر فورٹ کے عمومی علاقے میں دہشت گردوں کی موجودگی کی اطلاع پر آپریشن کیا۔

اس دوران شدید فائرنگ کے تبادلے میں 4 دہشت گرد مارے گئے۔ ایک دہشت گرد کی شناخت زار سعد اللہ کے نام سے ہوئی ہے جبکہ باقی دہشت گردوں کی شناخت کا عمل جاری ہے۔ ہلاک دہشت گردوں سے اسلحہ اور گولہ بارود بھی برآمد ہوا ہے۔

مارے گئے دہشت گرد سیکورٹی فورسز کے خلاف دہشت گردی کی کارروائیوں میں ملوث رہے۔ علاقے کے مقامی لوگوں نے آپریشن کو سراہا اور دہشت گردی کی لعنت کے خاتمے کیلئے بھرپور تعاون کا اظہار کیا۔