پاکستان اور عالمی صرافہ مارکیٹ میں سونے کی قیمت میں آج غیر معمولی کمی  کا رجحان ریکارڈ کیا گیا ہے۔

سندھ صرافہ بازار جیولرز ایسوسی ایشن کے مطابق آج پاکستان میں 900 روپے کی بڑی کمی کے بعد فی تولہ سونےکی قیمت ایک لاکھ 30 ہزار 450 روپے ہو گئی ہے۔ 10 گرام سونے کی قیمت بھی 771 روپے کی کمی کے بعد ایک لاکھ 11  ہزار 840 روپے ہو گئی ہے۔

دوسری جانب عالمی صرافہ مارکیٹ میں بھی سونے کی قیمت میں کمی ہوئی ہے، جہاں فی اونس سونے کی قیمت 32 ڈالر کی کمی کے بعد  1900 ڈالر پرپہنچ گئی ہے۔