چین نے کہا ہے کہ چین اور روس کے باہمی تعلقات میں باہمی تعاون ،قیام امن کے لیے کوششوں اور سلامتی کی حفاظت و ضمانت کے لیے کوئی حد نہیں ہے۔
بیجنگ – (اے پی پی): بدھ کے روز پریس بریفنگ میں چینی وزارت خارجہ کے ترجمان وانگ وین بن نے روس کے ساتھ چین کے تعلقات کی نوعیت کو واضح کر تے ہوئےایک سوال کے جواب میں بتایا کہ چین اور روس کے تعلقات نان الائنس ، عدم تصادم اور کسی تیسرے فریق کو نشانہ نہ بنانے کی پالیسی پر مشتمل ہیں۔
انہوں نے کہاکہ چین اور روس کے درمیان تعاون ،قیام امن کے لیے کوششوں اور سلامتی کی حفاظت سمیت تسلط کی مخالفت میں کوئی حد نہیں ہے۔
واضح رہے کہ امریکی اور مغربی ممالک کی جانب سے چین اور روس کے باہمی تعلقات کو نیا بلاک قرار دیتے ہوئے دونوں ممالک پر عالمی طاقت کا توازن بگاڑنے کے الزامات عائد کئے جا رہے ہیں۔
